උදාවන සෑම නව වසරකදීම චීන ජනාධිපති ෂී ජින් පිං මහතා සිය නව වසර පණිවුඩයේදී ගෙවි ගිය වසරේ චීනයේ රාජ්‍ය තාන්ත්‍රික ජයග්‍රහණ සහ ලෝකයට ලබා දුන් සුන්දර අපේක්ෂා සිහිපත් කරනවා. 2021 වසරේ නව වසර පණිවුඩයේදී හෙතෙම නව කොරොනා වසංගතය මතු වූ 2020 වසර සිහිපත් කරමින් සඳහන් කළේ, වසරක දුෂ්කරතාව මධ්‍යයේ අපි පෙරට වඩා ගැඹුරු ලෙස පොදු ඉරණමක් සහිත මානව ප්‍රජාවක් ගොඩනැගීමේ අර්ථය වටහා ගත් බවයි. සියලු රටවල ජනතාව අත්වැල් බැඳගෙන වසංගතය මැඩපවත්වා වඩා සුන්දර පවුලක් වැනි ලොවක් බිහි කරන ලෙසට ෂී ජින් පිං මහතා එම පණිවුඩයේදී ඉල්ලා සිටියා.
ලෝකය එක පවුලක් බව අතීතයේ සිටම චීන ජාතිකයන්ගේ විශ්වාසයක්. විවිධ මතභේද හා ගැටළු පැවතිය ද, සියලු රටවල ජනතාව එකම අහස සහ එකම පවුල යන සංකල්පයේ ජීවත් වෙනවා.
2013 වසරේදී ෂී ජින් පිං මහතා පළමු වතාවට පොදු ඉරණමක් සහිත මානව ප්‍රජාවක් ගොඩනැගීමේ යෝජනාව ඉදිරිපත් කළා. ඊට පසුව නව වසර පණිවුඩයේදී එම යෝජනාව බොහෝ වතාවක් සඳහන් කර තිබෙනවා. පොදු ඉරණමක් සහිත මානව ප්‍රජාවක් යනු, සෑම ජාතියක හා සෑම රටක ඉරණම් සමීපව සම්බන්ධ කෙරෙන්නක් බව ෂී ජින් පිං මහතා පැවසුවා. මේ ගෘහය එකමුතු පවුලක් බවට පත් කළ යුතු බවත්, සියලු රටවල ජනතාව සුන්දර ජීවිතය කෙරෙහි පවතින අපේක්ෂා යථාර්ථයක් බවට පත් කළ යුතු බවත් හෙතෙම පවසා තිබෙනවා.
