2022 ලෝක රොබෝ තාක්ෂණ සමුළුව මේ දිනවල චීනයේ බෙයිජිං නුවර දී පැවැත්වේ. ව්‍යවසායන් 130කින් රොබෝ කට්ටල 500කට වැඩි ප්‍රමාණයක් එහිදී  ප්‍රදර්ශනය කෙරේ. ඒ අතරින් 30කට අධික සංඛ්‍යාවක් ලොවට අලුතින් හඳුන්වාදෙනු ලබන ඒවා වීම විශේෂත්වයකි. අගෝස්තු 18 සිට 21 වැනිදා දක්වා පැවැත්වෙන රොබෝ තාක්ෂණ සමුළුව ප්‍රදර්ශනය හා තරගාවලියකින් ද සමන්විත වේ.

මෙම සමුළුව උසස් රොබෝ විද්‍යාව හා ස්වයංක්‍රීයකරණය, කෘත්‍රිම බුද්ධිය, යාන්ත්‍රික අධ්‍යයන, බුද්ධිමය නිෂ්පාදන, මොළයට සමාන පරිගණක අතුරු මුහුණත (BCI) සහ මානව-යාන්ත්‍රික බුද්ධිමය අන්තර් ක්‍රියා වැනි රොබෝ විද්‍යා ක්ෂේත්‍රයේ අතිනවීන ජයග්‍රහණ සහ සංවර්ධන ප්‍රවණතා බෙදාගැනීමේ ප්‍රමුඛ වේදිකාවකි. රටවල් සහ කලාප 15 ක් නියෝජනය කරන  විශේෂඥයෝ 300කට අධික පිරිසක් ඊට එක්ව සිටිති.