පාකිස්ථාන හිටපු අග්රාමාත්ය ඉම්රාන් ඛාන් ගේ මෙහෙයවීමෙන් පෙළපාළියක්
2022-05-26 16:03:57
Share with:
පාකිස්ථාන හිටපු අග්රාමාත්ය ඉම්රාන් ඛාන් මහතා ගේ අනුගාමිකයෝ පෙළපාලියක නිරතවෙති.
එරට හිටපු අග්රාමාත්ය, පාකිස්ථාන Tehreek-e-Insaf පක්ෂයේ සභාපති ඉම්රාන් ඛාන් මහතාගේ මෙහෙයවීම යටතේ ඔහුගේ අනුගාමිකයන් ඊයේ(25)ඉස්ලාමාබාද් හි පෙළපාළියක නිරතවූ අතර එහිදී පොලිස් නිලධාරීන් සමග ගැටුමක් ද ඇතිවිය. පොලිස් නිලධාරීහු කඳුළු ගෑස් භාවිතා කළහ.
ඉම්රාන් ඛාන් මහතා පසුගිය 22වැනි දා ප්රකාශ කළේ ඔහු විසින් සංවිධාන කෙරෙන ‘ Long March ’ පෙළපාළිය 25වැනි දා ඉස්ලාමාබාද් කරා ගමන් කරන බවයි. Tehreek-e-Insaf පක්ෂ කාර්ය මණ්ඩලය හා ජනතාව ඊට එක්වී තම රටේ ‘ සැබෑ නිදහස ’ සඳහා සටන් කරන ලෙස ඔහු ඉල්ලා සිටී. පාර්ලිමේන්තුව විසුරුවා හැර යළි මැතිවරණය පවත්වන ලෙසට බල කිරීම පෙළපාළියේ අරමුණයි.