ඇමරිකාවේ ඊනියා "ඉන්දු-පැසිෆික් උපායමාර්ගය" අසාර්ථක වනු ඇතැයි චීන රාජ්‍ය මණ්ඩල සාමාජික, විදේශ අමාත්‍ය වං යී මහතා පවසයි. 

 දකුණු චීනයේ Guangzhou නගරයේ සංචාරයක නිරත, පාකිස්ථාන විදේශ අමාත්‍ය Bilawal Bhutto Zardari සමඟ ඊයේ (22) පැවති සාකච්ඡාවකින් අනතුරුව මාධ්‍යවේදීන් හමුවේ අමාත්‍යවරයා මේ බව ප්‍රකාශ කළේය.

ඇමරිකාවේ 'ඉන්දු-පැසිෆික් උපායමාර්ගය' කෙරෙහි ජාත්‍යන්තර ප්‍රජාව, විශේෂයෙන් ආසියා-පැසිෆික් කලාපය වැඩි සුපරීක්ෂාකාරී බවක් හා අවධානයක් යොමුකර ඇතැයි ද වං යී මහතා පැවසීය.

 ආසියා පැසිෆික් කලාපයේ ජනතාවට අනිසි ආධිපත්‍යයන් නිසා ඇති වූ ගැටුම් තවමත් මතක ඇති බවත්, ජාතික ස්ථාවරත්වය සහ ප්‍රීතිමත් ජීවිත ගතකිරීම ඔවුන්ගේ අභිප්‍රාය බවත් ඔහු පෙන්වාදෙයි. මෙම කලාපීය රටවලට කිසිදු පැත්තක් ගැනීමට අවශ්‍ය නොවන බවත්, එම රටවලට මනා සහයෝගයෙන් ජීවත් විය හැකි යැයි තමා විශ්වාස කරන බවත් විදේශ අමාත්‍යවරයා අවධාරණය කරයි.