ඉදිරි සති දෙක තුළ තවත් ඩීසල් මෙට්රික්ටොන් එක්ලක්ෂ 20 දහසක් මෙරටට
2022-04-02 14:48:26
Share with:
ඉදිරි සති දෙක තුළ ඩීසල් මෙට්රික්ටොන් එක්ලක්ෂ 20 දහසක් මෙරටට ලැබීමට නියමිත බව, බලශක්ති අමාත්යාංශය පවසයි. ඉන්දීය ණය පහසුකම් යටතේ ඉන්ධන නෞකා 3 ක් මෙරටට පැමිණීමට නියමිතව තිබේ. මීට අමතරව ඩීසල් මෙට්රික්ටොන් 40 දහසක් රැගත් නෞකාවක් ද ඊයේ (01) දිවයිනට පැමිණියේය.
ලබන 5 වැනිදා සහ 14 වැනිදා තවත් ඩීසල් මෙට්රික්ටොන් 40 දහස බැගින් වු නෞකා දෙකක් පැමිණෙන බව ද බලශක්ති අමාත්යාංශය කියයි. මේ අතර මුදල් ගෙවූ වහාම මෙරට මුහුදු සීමාවේ ඇති නෞකාවේ ඇති ඩීසල් මෙට්රික්ටොන් 37 500 ක් ගොඩබෑම ආරම්භ කරන බවද එම අමාත්යාංශ නිලධාරියෙක් පැවසීය.