රුසියානු-චීන සබඳතාව, ජාත්‍යන්තර වශයෙන් වැදගත් හා ස්ථාවර සාධකයක් බව රුසියානු ජනාධිපති Vladimir Putin මහතා පවසයි.

ඊයේ(23) මොස්කව් හි පැවති වාර්ෂික මාධ්‍ය හමුවේදී හෙතෙම මේ බව සඳහන් කළේ ය.

Putin මහතා එහිදී පෙන්වා දුන්නේ, ඇමරිකාව ඇතුළු රටවල් බෙයිජිං ශීත ඍතු ඔලිම්පික් ක්‍රීඩා උළෙලට එක්වීමට නිලධාරීන් සහභාගි නොකිරීම වැරදි හා පිළිගත නොහැකි කාරණයක් බවයි. සිය මතය අනුව ‘ චීනයේ සංවර්ධනය මැඩපැවැත්වීමට තැත්කිරීම ’ ඇමරිකාවේ යටි අරමුණයි. කෙසේ වෙතත්, චීනයේ සංවර්ධනයට බාධා එල්ල කළ නොහැකි බව ඇමරිකාව ප්‍රත්‍යක්ෂ කර ගත යුතු බව ජනපතිවරයා පෙන්වාදෙයි.

රුසියානු-චීන සබඳතාව ‘ 21වැනි සිය‍වසේ රටවල් අතර සහයෝගීතා පැවැත්වීම සඳහා වන ආදර්ශය ’ බව Putin මහතා මෙහිදී අවධාරණය කළේය. චීනය, රුසියාවේ විශාලතම වෙළඳ හවුල්කරුවා වන අතර දෙරටේ වෙළඳ වටිනාකම ඇ.ඩො. බිලියන 100 ඉක්මවා ඇත. එය නව කොරොනා වසංගතයට පෙර පැවති මට්ටම ද අභිභවා යාමකි. දැනට, රුසියාව, චීනය සමග එක්ව, ආරක්ෂාව, න්‍යෂ්ටික බලශක්තිය, අභ්‍යවකාශ, අධි විද්‍යා හා තාක්ෂණ, යෞවන කටයුතු, අධ්‍යාපනය, සංස්කෘතිය ඇතුළු විවිධ ක්ෂේත්‍ර සඳහා සහයෝගීතා පවත්වා ඇති බව ද Vladimir Putin ජනාධිපතිවරයා කියාසිටී.