ඇමරිකාවට ඇති විශාලතම තර්ජනය විදේශ සතුරු බලවේග නොවන බව, ඇමරිකාවේ ජනමත විමසීමකට සහභාගි වූ බහුතර ජනතාව විශ්වාස කරති.
ඇමරිකාවේ ජනමත විමසීමේ ආයතනය හා ඇමරිකානු මාධ්ය ඒකාබද්ධව සිදු කළ මත විමසීමට අනුව ඊට සහභාගිවූවන්ගෙන් අඩකට වැඩි පිරිසක් විශ්වාසය කළේ, ඇමරිකානු ජීවන ක්රමයට විශාලතම තර්ජනය පවතින්නේ විදේශ සතුරු බලවේගවලින් නොවන අතර ඇමරිකා ජාතිකයින්ගෙන් ම බවයි. විදේශ රටවල් හා එතෙර හමුදා ඇමරිකානු ජීවන ක්රමයට තර්ජනයක් ලෙස පවතින බව සියයට 10ක පමණ පිරිසක් විශ්වාස කළහ.
ඒ සම්බන්ධයෙන් චීන විදේශ අමාත්යංශයේ ප්රකාශිකා Hua Chunying මහත්මිය අද(22) පැවති දෛනික මාධ්ය හමුවේදී පැවසුවේ, රටක විශාලතම සතුරා නිරන්තරව එම රටම හෝ රටේ අභ්යන්තරව පවතින්නක් බවයි. Joe Biden මහතා ඇමරිකානු ජනාධිපති ධූරයට තේරී පත් වී පැවැත්වූ දේශනයේදී එකමුතුව, පුනර්ජීවනය කිරීම හා සුව කිරීම අවධාරණය කළේ එම හේතුව නිසා යැයි ද චීන විදේශ අමාත්යංශයේ ප්රකාශිකාව වැඩිදුරටත් සඳහන් කළා ය.