අධ්‍යයන පොදු සහතික පත්‍ර සාමාන්‍ය පෙළ විභාගය අද (23) ආරම්භ වෙයි.

ඒ අනුව, අද (23) සිට ජුනි 01 වැනිදා දක්වා විභාගය පැවැත්වෙන බව, විභාග කොමසාරිස් ජනරාල් එල්.එම්.ඩී. ධර්මසේන මහතා පවසයි.

මෙවර සාමාන්‍ය පෙළ විභාගය සඳහා පාසල් සහ බාහිර අයදුම්කරුවන් 517,469 දෙනෙකු පෙනී සිටිති. ඒ සඳහා රටපුරා විභාග මධ්‍යස්ථාන 3,844 ක් සූදානම් කර ඇති බවද විභාග දෙපාර්තමේන්තුව සඳහන් කරයි. ඉකුත් දෙසැම්බර් මස පැවැත්වීමට නියමිතව තිබූ විභාගය කල්දැමුණේ වසංගත තත්ත්වය හේතුවෙනි.