ඉදිරි සති 4 තුළ ඇමරිකාවේ කොවිඩ්19 රෝගීන් රෝහල් ගත කිරීම් හා  මරණවල ඉහළ යාමක් සිදුවෙතැයි පුරෝකථනය කෙරේ. එරට වසංගත රෝග පාලන හා ආරක්ෂණ මධ්‍යස්ථානවල යාවත්කාලීන කළ අණාවැකි ආකෘතීන්ට අනුව ඇමරිකානු ඒ.බී.සී මාධ්‍ය ආයතනය ඒ බව වාර්තා කර තිබේ.රට පුරා‍ ආ‍සා‍දිතයන්ගේ කැපී පෙනෙන වර්ධනයත් සමග මෙම පුරෝකථනය ඉහළ නංවා ඇත.ඇමරිකා‍වේ බොහෝ ප්‍රදේශවල මුඛ ආවරණ පැළඳීමේ අවශ්‍යතාව හා පාලන පියවර ලිහිල් කිරීමෙන් පසුව මෙම තත්ත්වය දක්නට ඇත.