ශ්රී ලංකාවේ දෙවැනි නැනෝ චන්ද්රිකාව සාර්ථකව කක්ෂගත කෙරේ
2022-03-26 16:00:50
Share with:
ආතර් සී ක්ලාක් මධ්යස්ථානයේ ඉංජිනේරුවන්ගේ තාක්ෂණික දායකත්වයෙන් නිර්මාණය කරන ලද මෙරට දෙවැනි නැනෝ චන්ද්රිකාව කක්ෂගත කළ බව එම මධ්යස්ථානය පවසයි.
ආතර් සී ක්ලාක් මධ්යස්ථානය සහ ජාත්යන්තර ආයතන 5 ක් ඒකාබද්ධ ව නිර්මාණය කර ඇති කිට්සුනේ චන්ද්රිකාවේ ඉංජිනේරු තාක්ෂණික දායකත්වය ආතර් සී ක්ලාක් මධ්යස්ථානයේ ඉංජිනේරුවන් විසින් ලබා දී ඇත.
කිට්සුනේ උසින් සෙන්ටිමීටර 30 ක් ද ,පළලින් සෙන්ටිමීටර 20 ක් ද ,ඝනකමින් සෙන්ටිමීටර 10 ක් ද වේ.
කිට්සුනේ පෙබරවාරි 18 වෙනි දින සිග්නස් 17 රොකොට්ටුවෙන් ජාත්යන්තර අභ්යවකාශ මධ්යස්ථානය වෙත ගමන් ඇරඹීය.එය ජාත්යන්තර අභ්යවකාශ මධ්යස්ථානයේ සිටි 400 km දුරින් පිහිටි කක්ෂය වෙත මුදා හැරීම සාර්ථකව සිදු කර තිබේ.